هێلكاری كردنی شه‌قامه‌كان

دابینکردنی هاتوچۆیەکی سەلامەت ،کاری لە پێشینەمانە وە ئەو ئامانجەیە کە کار بۆ وەدیهێنانی دەکەین.. هێلکاری کردنی شەقامەکان یەکێکە لە ئامرازەکانی ئەندازەی هاتووچۆ بۆ ڕێکخستن،وە کاریگەریەکی ڕاستەوخۆی دەبێت لەسەر کەمکردنەوەی ڕوداوەکان،بەپێ ی ئەوەی کە بەهێلکاری ڕاڕەوەکان و ئاراستەکان بە جوانی بۆ شوفێران دیاری دەکرێن،وە دەتوانن لە ناویان بڕۆن بەبێ هیچ کێشەیەک،لەم ڕوانگەیەوە ئەندازەی هاتووچۆی هەولێر ، وە لەپاش دابینکردنی ئامێری پێشکەوتوی هێلکاری کردن لە لایەن وەزارەتی ناوەخۆی حکومەتی هەرێمی کوردستان،هەر لەگەڵ کۆتاییهاتنی وەرزی بارانبارین، دەستیان کرد بەکاری هێلکاری کردن ،وە تاکو ئێستا شەقامی بازنەیی 60مەتری و شەقامی شۆرش و شەقامی ناو قەزای عینکاوە و چەندین شەقامی تریان هێلکاری کردوە بە سبوغی گەرم،وە ئێستاش کارکردن بۆ هێلکاری شەقامی هەولێر خەبات دەستیپێکردوە و لەچەند ڕۆژی داهاتوو کارەکانی تەواو دەبێت بە پشتیوانی خواو بەدەست و بازووی کارمەندانی خۆماڵی.